oleh

Nantu Ate Munimang Rasa (Syair Gayo)

Oleh : Syukri

Piteten i kuen mu soah ter kiri
Bage si terjadi i uken urum toa
Sunguh sinting ike lagu nini
Urum kungsi diri mera gere neh sara kata

Nyanya memang munantu ate
Beta keta sulite menimang rasa
I kadun ku engi kune die kase
Unang si ge ara mampate i perin ku aka

“Nantu ate munimang rasa”
Sunguh nyaya sentan ipikiri
Ruh gere ruh remang gere remang
Ike salah timang mera kase rugi

Teniron ni pake bermacam curak
Seba ara berkenak ken toke ni kupi
Ara deba si jago bebedak
Male mutih ni salak ku jema rami

Turah mehne oyapeh imaklumi
Bierpeh Cerak ni kuen kiri macam berbage
I tetah cara si mampat belangi
Kati enti ara si berues ate.

Enti mi kite murasa heran
Nge ken pengalaman imasa lalu
Gelah panebeh kite munimang
Engi urum abag enti we kire keliru.

Kelumit i niyu  enge mupisah
Ike lembatah nge tentu tempate
Ike sengkiren tiwel suyen ni umah
Nge pasti mutewah rering urum supu.

Blangkejeren 08 April 2018

Komentar

Tinggalkan Balasan

Alamat email Anda tidak akan dipublikasikan.

News Feed