oleh

Legen Atu (Syair Gayo)

Oleh : Syukri

Nge nasibmu bang legen atu
Kuatasmu segele-gele e
Cicah empan urum cicah reruku
Ikudukmu oyapeh lumete

Ari aih aunen ningko asalmu
Ipilih kaum ibu si jeroh bentuke
Imai kumah ibun terduru
Urum atuanakmu tepang reroanme.

Masam urum jaing gere terasa
Lede urum poa oya nge biese
Ken penggilingen kao enge rela
Suntuk mera nos cicah ungke

Nge ara belender kaopeh itaringen.
Jasamu i lupen karena nge kurang bergune
Taring pesere i sagi ni keben
I daten pesenson ge neh ara cacake

Kadang nge nasipmu bang legen atu
I waktu perlu we i gunei
Sengkiren nge ara tuker gantimu
Gere neh ara si munungeren mukale.

Ooo legen atu padih i tekaran
I paral bang ken tupang pintu
Kegere peh gunei jeroh bang i tarinen
Kati enti puren buh legen kiding museltu.

Blangkejeren 10 Maret 2018

Komentar

Tinggalkan Balasan

Alamat email Anda tidak akan dipublikasikan.

News Feed